चलचित्रकर्मीहरू नवीन सुब्बा, सुवर्ण थापा र मनोजबाबु पन्त सम्मिलित जुरीले ‘बुट्टे जामा’ लाई उत्कृष्ट छोटो फिल्म छनोट गरेको हो । राकेश महर्जन निर्देशित ‘कल्ली’ ले दोस्रो अवार्ड हासिल गर्दै ६० हजार रुपैयाँ पायो । त्यस्तै सुनील पाण्डे निर्देशित ‘अनन्त यात्रा’ ले तेस्रो अवार्ड पायो । यसबापत् उनले ४० हजार रुपैयाँ पाए । नारी मनोविज्ञानलाई सशक्त ढंगमा प्रस्तुत गरेको ‘काफल पाक्यो’ जुरीको नजरमा उत्कृष्ट ठहरियो । निरञ्जनराज भेटवाल निर्देशित फिल्मले इस्पेसल मेन्सन अवार्ड पनि पायो ।
विजेताहरूलाई ओस्कर कलेजका प्रिन्सिपल विनोद पौडेल र हाइलाइट्सकी कार्यकारी अधिकृत शिवानी गुरुङले नगद तथा प्रमाणपत्र दिए । नयाँ फिल्मकर्मीलाई प्लेटफर्म दिने उद्देश्यले प्रतियोगिता गरिएको हाइलाइट्सकी कार्यकारी निर्देशक शिवानी गुरुङले बताइन् । ‘यो पहिलो प्रयास हो,’ उनले भनिन्, ‘उत्साहजनक सहभागिताले हामी हौसिएका छौं ।’ उनले आगामी दिनमा प्रतिस्पर्धालाई थप व्यवस्थित र बृहत् बनाउँदै लाने योजना रहेको पनि बताइन् ।
0 comments:
Post a Comment